He kupu whakapāhā nā ngā Kaiārahi o te Hāhi ki te hunga i pā kinotia me ngā mōrehu
Te Rōpū Tautoko's Information Gathering Project
Latest updates to Te Rōpū Tautoko's Roadmap of Actions
Ko te mahi a te Aotearoa Catholic Te Rōpū Tautoko, he whakariterite, he whakahaere anō i ngā huihuinga a te Kōmihana a te Karauna mō ngā Tūkino ki te Hunga i Raro i te Whakamarumaru o ngā Whare Tiaki i te taha o ngā Pīhopa Katorika me ngā Kaihautū o te Whakaminenga, hei kanohi mō te Hāhi Katorika o Aotearoa.
E tū motuhake ana Te Rōpū Tautoko mai i te Kōmihana Karauna. Ko tāna, he whakahaere i te urupare a te Hāhi Katorika ki te Kōmihana Karauna, otirā, me hāngai tonu te whakapātanga atu o ngā mōrehu ki te pae tukutuku a te Kōmihana Karauna ki te kimi tautoko.
“E kuhu atu ana mātou ki te tukanga o te Uiuinga i runga i te whakaaro nui ki te hunga i pā kinotia i raro i ō mātou parirau. Ka whakapuaki mātou i ō mātou akoranga mō ngā mahi tūkino, i hua mai i tō mātou ake mate tonu. E whakahuatia ana ēnei kōrero i runga i te ngākau pāpaku me te pōuri nui. Ko tā mātou noa, he tāpae atu i ō mātou mōhiotanga, he whai i te karanga a Hēhu Karaiti ki te tika, ki te atawhai me te murunga o ngā hara.
E mōhio ana mātou ko te whakamātautautanga, ko te whakamāramatanga, ko te whakapuakitanga me te whakatutukinga o tēnei take te huarahi ki te whakapūmautanga o ngā akoranga, i tēnei rā, ā i ngā rā ki tua. Me mahi ngātahi, tātou katoa, e whakamahutia ai ngā mamae.”
Nā ngā Pīhopa me ngā Kaihautū o te Whakaminenga o te Hāhi Katorika o Aotearoa
“E whakapuaki ana ana au i te mamae nui i pā ki te huhua o ngā tamariki nā te taitōkai, nā te mahi tūkino a ngā kaiārahi me te tūkinotanga ā-hinengaro nā te maha o ngā kaiwhakarite o te Hāhi, o te hunga tapu hoki. He hōhonu kē ngā pānga kino o ēnei hara – tuatahi, ko te mamae me te wairua korou-kore o te hunga i tūkinotia, waihoki, ko ō rātou whānau, me te hapori whānui tonu o ngā kaiwhai me te hunga ki waho atu o te Hāhi.
Me wawe tonu tā mātou whakaae anō ki te whakaū i te whakamarumarutanga o ngā tamariki me te hunga whakaraerae.”
Pāpā Francis, Hereturikōkā, 2018
Te Whakapae Tūkino me ngā Māharahara
He take tino nui ngā whakapae tūkino ki te Hāhi. I Aotearoa, ka tukuna atu ngā whakapae taitōkai e pā ana ki ngā kaimahi o te hāhi ki te Church’s National Office for Professional Standards (NOPS).
Ka kōrerohia whānuitia ēnei take ki te ao tūmatanui, ka whakakahangia te tangata ki te whakapuaki i āna kōrero. E whakahau ana mātou i te hunga kua pā kinotia e tētahi pirihi, e tētahi tangata nō te whakapono rānei, ki te whakapā atu ki a NOPS, kia rangona tō kōrero, kia āta tirohia tō take. Otirā, ki te hiahia kē koe ki te haere hāngai ki te Tari Pirihimana, ā, ki te hiahia āwhina hoki koe, ka tautokona ēnei tāngata, ahakoa ko wai, e te Hāhi.
Email: prof.standards@nzcbc.org.nz
Phone: 0800 114 622
Ngā Karere Nui o te Wā me ngā Pārongo
Confidentiality Waiver for survivors
Recognising the importance of survivors having absolute clarity regarding being able to tell their story fully to the Royal Commission, Te Rōpū Tautoko recommended to the Bishops and Congregational Leaders that they establish a process, similar to the Crowns, to enable all survivors to participate fully in the Commission.
The full text of the Waiver is available by downloading the following document.
Ngā Mahi a te Kōmihana Karauna i Tēnei Wā
Ngā Tūhuratanga o te Wā
Tekau ngā tūhuratanga kua pānuihia e te Kōmihana Karauna. He ‘take motuhake’ ētahi, arā, e tirohia ana tētahi take, tētahi whakahaere rānei. He ‘take whānui’ ētahi, arā, e tirohia ana ētahi o ngā kaupapa whānui e kitea ana i ngā wāhi maha.
Koianei ngā kaupapa o ngā tūhuratanga:
- Te whakatikatika – Te Kāwanatanga me te whakapono
- Ngā wheako o te Māori mō te mahi tūkino i raro i te marumaru o te whare tiaki
- Ngā wheako o ngā iwi o Te Moananui-a-Kiwa mō te mahi tūkino i raro i te marumaru o te whare tiaki
- Te tūkino o ngā tamariki i roto i ngā kāinga whakamarumaru o te kāwantanga
- Te tūkino i roto i ngā Whare Hauora ā-Hinengaro a te Kāwanatanga
- He take motuhake e tūhura ana i te mahi tūkino ki Lake Alice Child and Adolescent Unit
- Te tūkino i raro i te marumaru o te whare hauā me ngā wheako o te hunga whaikaha
- Te tūkino i raro i te marumaru o te Hāhi Katorika
- He take motuhake e tūhura ana i te tūkinotanga o ngā tamariki ki te Kura o Marylands
- Te tūkino i raro i te marumaru o te Hāhi Mihinare
The expectation is the Royal Commission will release two more reports, one on Marylands School and a final report in June 2023.
Ngā Rawa ā-Hiko me ngā Karere